India SKills Kerala 2023 -
Skill Training in association with Fisheries Department Get Skilled in your Preferred Sector - ASK US കേരള അക്കാദമി ഫോർ സ്കിൽസ് എക്സലൻസ് (KASE)
സംസ്ഥാന നൈപുണ്യ വികസന മിഷൻകേരളത്തിലെ യുവതൊഴില്‍ശക്തിയെ നൈപുണ്യമുള്ളവരാക്കുന്നതിനും ഇന്ത്യയിലും വിദേശത്തും തൊഴില്‍ ചെയ്യുന്നതിന് പ്രാപ്തമായ ലോക നിലവാരത്തിലേക്ക് അവരുടെ കഴിവുകള്‍ ഉയര്‍ത്തുന്നതിനും വേണ്ടി കേരള അക്കാഡമി ഫോര്‍ സ്കില്‍സ് എക്സലന്‍സ് (കെയിസ്) എന്ന ലാഭേശ്ചയില്ലാത്ത കമ്പനിയെ കേരളസര്‍ക്കാര്‍ കേന്ദ്ര ഏജന്‍സിയാക്കിയിരിക്കുന്നു . കെയിസിനെ സംസ്ഥാന സര്‍ക്കാര്‍ സംസ്ഥാന നൈപുണ്യവികസന മിഷനായി നിയോഗിച്ചിട്ടുമുണ്ട്.
ആഗോളതലത്തില്‍ വ്യവസായങ്ങള്‍ ആവശ്യപ്പെടുന്ന നിലവാരത്തിലുള്ള സാങ്കേതിക കഴിവുകളും തൊഴില്‍ മികവും വികസിപ്പിക്കുന്ന , തൊഴില്‍ സാദ്ധ്യതകളുണ്ടാക്കുന്ന സ്ഥാപനങ്ങളും അക്കാഡമികളും സ്ഥാപിക്കുക, പ്രോത്സാഹിപ്പിക്കുക, സജ്ജീകരിക്കുക, മേല്‍നോട്ടം വഹിക്കുക, പരിപാലിക്കുക, നിയന്ത്രിക്കുക എന്നിവ കെയിസിന്‍റെ സ്ഥാപിത ലക്ഷ്യമാണ്. സംസ്ഥാനത്തിന്‍റെ വിവിധ നൈപുണ്യവികസന സംരംഭങ്ങളെ ഏകോപിപ്പിക്കുകയും സുഗമമാക്കുകയും ചെയ്യുക എന്നതാണ് കെയിസിന്‍റെ മറ്റൊരു പ്രധാന ലക്ഷ്യം.
കേരളത്തിന്‍റെ ജനസംഖ്യാപരമായ സ്വഭാവമനുസരിച്ച് കെയിസ് നൈപുണ്യ വികസനത്തിനായി സമാനതകളില്ലാത്തതും മാതൃകാപരമായതുമായ പരിപാടികളാണ് നടപ്പാക്കി വരുന്നത്. ഇതിന്‍റെ ഭാഗമായി വിവിധ വ്യവസായ സംരംഭങ്ങളുമായി കെയിസ് സഹവര്‍ത്തകത്വത്തില്‍ ഏര്‍പ്പെട്ടും അതുവഴി തൊഴില്‍ അവസരങ്ങള്‍ ലഭ്യമാക്കിയും അനവധി നൈപുണ്യവികസന പരിപാടികള്‍ക്ക് രൂപം നല്‍കുകയും ചെയ്യുന്നു. ഇന്ത്യയിലെ മറ്റ് സംസ്ഥാനങ്ങളിലെ ഇത്തരം പ്രവര്‍ത്തനങ്ങളെ അപേക്ഷിച്ച് കെയിസിന്‍റെ കര്‍മ്മപരിപാടികള്‍ വേറിട്ട് നില്‍ക്കുന്നതാണ്.
ടി. പി. രാമകൃഷ്ണന്‍
ബഹു.തൊഴിലും എക്സൈസും നൈപുണ്യവും വകുപ്പ് മന്ത്രി
കഴിഞ്ഞ ദശാബ്ദങ്ങളില്‍ തൊഴില്‍ പ്രാഗത്ഭ്യം സിദ്ധിച്ച കേരളത്തിലുള്ളവര്‍ക്ക് തൊഴില്‍മേഖലകളില്‍ ആഗോളതലത്തില്‍ വലിയ സ്വീകാര്യതയാണുണ്ടായിരുന്നത്. എന്നാൽ ആഗോളതലത്തില്‍ ഈ രംഗത്ത് പുതിയ മാറ്റങ്ങള്‍ സംജാതമായിരിക്കുന്നു. ഇത്തരം മാറ്റങ്ങള്‍ അടിസ്ഥാനമാക്കി ഉയർന്നു വരുന്ന അവസരങ്ങളെയും നൈപുണ്യ ആവശ്യങ്ങളെയും പ്രയോജനപ്പെടുത്താന്‍ അനുയോജ്യമായ വൈദഗ്ദ്ധ്യ വികസന തന്ത്രങ്ങള്‍ ആവിഷ്കരിക്കേണ്ടത്‌ അത്യന്താപേക്ഷിതമാണ്. നൈപുണ്യവികസന തൊഴില്‍രംഗത്ത് ഒട്ടേറെ ആവശ്യങ്ങളും അവസരങ്ങളും വര്‍ദ്ധിച്ചുവരുന്നു. അതിന്‍റെ സാദ്ധ്യതകള്‍ വികസിപ്പിക്കാന്‍ നയപരമായ ആശയങ്ങള്‍ രൂപീകരിക്കേണ്ടിയിരിക്കുന്നു. കേരളത്തെ ആഗോള നൈപുണ്യവികസന മേഖലയിലെ അവിഭാജ്യ കേന്ദ്രമാക്കാന്‍ വേണ്ടി നമ്മുടെ ശക്തിമേഖലകളെ ഗുണപ്രദമായി പ്രയോജനപ്പെടുത്തി കേരളത്തിലെ തൊഴില്‍വികസന മന്ത്രാലയം ദീര്‍ഘവീക്ഷണത്തോടുകൂടിയും വളരെ പ്രതീക്ഷയോടുകൂടിയും വ്യത്യസ്ത നൈപുണ്യ പരിശീലനപദ്ധതികള്‍ ആവിഷ്കരിച്ചുകൊണ്ടിരിക്കുകയാണ്.
വെബ്സൈറ്റ്:
ഫേസ്ബുക്:
ട്വിറ്റെർ:ശ്രീ. പിണറായി വിജയന്‍
ബഹുമാനപ്പെട്ട മുഖ്യമന്ത്രി
കൃത്യമായ അറിവിലൂടെയും നൈപുണ്യ വികസനത്തിലൂടെയും നമ്മുടെ യുവജനങ്ങളെ സജ്ജരാക്കിയാല്‍ അവര്‍ ആഗോള തൊഴില്‍മാര്‍ക്കറ്റില്‍ അനിഷേധ്യ സാന്നിദ്ധ്യമായി മാറുമെന്ന് എനിക്ക് ഉറപ്പുണ്ട്. സമ്പദ് വ്യവസ്ഥ ഉയരുന്നതനുസരിച്ച് വരും വര്‍ഷങ്ങളില്‍ രാജ്യത്തെ പരമ്പരാഗത തൊഴില്‍ മേഖലകളില്‍ വലിയതോതില്‍ നൈപുണ്യം നേടിയ വിദഗ്ദ്ധരുടെ അനിവാര്യതയുണ്ടാകും. റോബോട്ടിക്സ്, ആര്‍ട്ടിഫിഷ്യല്‍ ഇന്‍റലിജന്‍റ്സ്, മെഷീന്‍ ലേര്‍ണിംഗ് എന്നിങ്ങനെ വിഭിന്നങ്ങളായ മേഖലകളിലെല്ലാം നൈപുണ്യ വൈദഗ്ദ്ധ്യം നേടുന്ന യുവജനതയ്ക്ക് ഒരുപാട് അവസരങ്ങളാണ് ഒരുങ്ങുന്നത്. ഇത്തരം ആഗോള തൊഴില്‍മേഖലകളില്‍ വിജയിക്കാന്‍ കഴിയുന്ന വിധത്തിലുള്ള പുതുതലമുറയെ വാര്‍ത്തെടുക്കാന്‍ ക്രിയാത്മക സംരംഭങ്ങള്‍ക്കായും നയങ്ങള്‍ക്കായും വളരെ മുന്‍പേ തന്നെ കേരളം പ്രവര്‍ത്തനം തുടങ്ങിക്കഴിഞ്ഞു.
വെബ്സൈറ്റ്:
ഫേസ്ബുക്:
ട്വിറ്റെർ:സംരംഭങ്ങള്‍
ഗാലറികൂടുതൽ കാണു
യുട്യൂബ് ചാനൽ
പരിപാടികള്‍
പ്രദർശിപ്പിക്കുന്നതിനുള്ള ഇവന്റുകളൊന്നുമില്ല.
